近年最受歡迎的電視劇系列,一定有《衝上雲霄》的份兒,而電影現正火速拍攝中,較早前舉行記招加拜神活動,祈求一切順利!

上輯《衝2》就有專一長情的首位華人機師Sam哥吳鎮宇,與風流倜侃的型仔機師Cool魔張智霖來個正面交鋒,縱然結果似是平分秋色,不過今回電影版更加入同為型到爆燈的古仔古天樂,飾演航空公司老闆,與Sam哥及Cool魔合組「史上最型機師團」!各位女Fans相信單看這陣容,已經極期待3位男主角會在戲中施展那些「冧女大法」!

至於女主角方面,在《衝2》與馬明BB有激烈感情戲分的Head姐江美儀會繼續留守機艙,致力為乘客們服務。不過另外兩位首次拍攝航空題材的女演員,其實已準備透過今回電影版,為大家添上新鮮感。其中一位是演藝路上首次飾演空姐的佘詩曼,她已首先劇透會與古仔展開一段「雲上情緣」,之不過她就會等古仔主動將她追到手,測試二人之間有沒有緣份牽引。

以航空事業為藍本,主要講空中服務員、以及機師感情生活為主題嘅TVB電視劇《衝上雲霄》開拍電影版,今日喺將軍澳開鏡拜神,劇中主要演員吳鎮宇、張智霖(Chilam)、古天樂、鄭秀文(Sammi)著機師服出現,而佘詩曼就著空姐衫加黑絲現身,另一個女主角郭采潔並未有出席。

呢日有兩對舊緋聞情侶,分別係張智霖同佘詩曼,古天樂同鄭秀文,不過電影公司安排佢哋分開做訪問,古仔同Sammi就冇乜傾計,戲入面佢兩個亦唔係一對,Sammi係同Sam哥吳鎮宇一齊嘅。講到Sammi做新版「何年希」取代原有嘅陳法拉,網民就認為唔多合適,一來外型唔似,二來Sammi嘅年齡亦稍大。

喺現場Sammi大讚戲中嘅男演員著機師制服好有型,個個Body好吸引,至於片酬價錢係咪好高,佢話:「點解會高啲?三位男主角未加我豈敢加?分分鐘要減添。」外間有傳Sammi怕男友許志安呷醋,所以推咗《五個小孩的校長》部戲,唔同前緋聞對象古仔合作,問佢係咪怕安仔唔鍾意?Sammi否認話:「完全唔係﹗一直冇搵我傾,亦冇接觸過我。」

而戲中嘅另一對古仔同阿佘,多年前拍劇合作過,今次會有親熱戲。古仔做航空公司嘅CEO,遇上呢個空姐阿佘,問到阿佘性感尺度會唔會好似陳法拉咁激?阿佘話:「秘密,法拉點激法?我唔同人比較,唔係賣弄性感。」其實阿佘著黑絲對一班男士嚟講已經好殺,而古仔仲話:「算喇﹗等嚟大露背,我露埋前面,但會著褲。」